ಮೋದಿ ಸರ್ಕಾರದ ವಿಶೇಷ ಯೋಜನೆಯ ಮೊದಲ ಕಂತು ಬಿಡುಗಡೆ, 1 ಲಕ್ಷ ಜನರಿಗೆ ಲಾಭ!

ನವದೆಹಲಿ: ಆದಿವಾಸಿಗಳ ಅಭಿವೃದ್ಧಿಗಾಗಿ ಕೇಂದ್ರದ ನರೇಂದ್ರ ಮೋದಿ ಸರಕಾರ ಆರಂಭಿಸಿರುವ ಬುಡಕಟ್ಟು ನ್ಯಾಯ ಮಹಾ ಅಭಿಯಾನದ (PM-Janman) ಮೊದಲ ಕಂತು ಇಂದು ಫಲಾನುಭವಿಗಳ ಕೈ ಸೇರಲಿದೆ.

ಸಮಾಜದ ಬಡವರು, ಹಿಂದುಳಿದವರು ಮತ್ತು ವಂಚಿತ ವರ್ಗಗಳ ಸಬಲೀಕರಣ ಆಗಬೇಕು ಎನ್ನುವ ಉದ್ದೇಶದಿಂದ ಈ ಯೋಜನೆ ಆರಂಭಿಸಲಾಗಿದ್ದು, ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಸರ್ಕಾರ ಇಂದು ಬುಡಕಟ್ಟು ನ್ಯಾಯ ಮಹಾ ಅಭಿಯಾನದ ಮೊದಲ ಕಂತನ್ನು ಬಿಡುಗಡೆ ಮಾಡಲಿದೆ. ಸುಮಾರು ಒಂದು ಲಕ್ಷ ಫಲಾನುಭವಿಗಳಿಗೆ ಮೊದಲ ಕಂತಿನ ಪ್ರಯೋಜನ ಸಿಗಲಿದೆ.

ಇದನ್ನೂ ಓದಿ: 
Janapada Ramayana: ಕೇರಳದ ಈ ಜನಪದ ಕಥೆ ಗೊತ್ತಾ? ಲವ-ಕುಶರೇ ಈ ಬುಡಕಟ್ಟು ಸಮುದಾಯದ ಅಳಿಯಂದಿರು!

ಈ ಒಂದು ಲಕ್ಷ ಫಲಾನುಭವಿಗಳು ಪ್ರಧಾನ ಮಂತ್ರಿ ಆವಾಸ್ ಯೋಜನೆ-ಗ್ರಾಮೀಣ ವ್ಯಾಪ್ತಿಗೆ ಸೇರಲಿದ್ದಾರೆ. ಪಿಎಂ-ಜನ್ಮನ್ ಯೋಜನೆಯಡಿಯಲ್ಲಿ 4.90 ಲಕ್ಷ ಮನೆಗಳನ್ನು ಒದಗಿಸಲು ಅವಕಾಶವಿದೆ. ಪ್ರತಿ ಮನೆಗೆ 2.39 ಲಕ್ಷ ರೂಪಾಯಿ ಹಣವನ್ನು ಪ್ರಧಾನ ಮಂತ್ರಿ ಆವಾಸ್ ಯೋಜನೆಯ ಮೂಲಕ ಫಲಾನುಭವಿಗಳಿಗೆ ಸರ್ಕಾರದ ಸಹಾಯಧನ ಸಿಗಲಿದೆ.

ಮಾಧ್ಯಮ ವರದಿಯ ಪ್ರಕಾರ ಪ್ರಧಾನಿ ನರೇಂದ್ರ ಮೋದಿ ಅವರು ವಿಡಿಯೋ ಕಾನ್ಫರೆನ್ಸ್ ಮೂಲಕ ಒಂದು ಲಕ್ಷ ಫಲಾನುಭವಿಗಳಿಗೆ ಕಂತುಗಳನ್ನು ಬಿಡುಗಡೆ ಮಾಡುತ್ತಾರೆ ಎಂದು ತಿಳಿದು ಬಂದಿದೆ. ಅಲ್ಲದೆ, ಪ್ರಧಾನಿ ಮೋದಿ ಅವರು ಫಲಾನುಭವಿಗಳೊಂದಿಗೆ ಸಂವಾದವನ್ನೂ ಮಾಡಲಿದ್ದಾರೆ.

ದೇಶಾದ್ಯಂತ 200 ಜಿಲ್ಲೆಗಳಲ್ಲಿ 22000 ವಿಶೇಷವಾಗಿ ದುರ್ಬಲ ಬುಡಕಟ್ಟು ಗುಂಪುಗಳು, ಬಹುಸಂಖ್ಯಾತ ಬುಡಕಟ್ಟು ವಸಾಹತುಗಳು ಮತ್ತು PVTG ಕುಟುಂಬಗಳನ್ನು ತಲುಪುವ ಗುರಿಯೊಂದಿಗೆ ಯೋಜನೆಯನ್ನು ಪ್ರಾರಂಭಿಸಲಾಗಿದೆ. ಈ ಯೋಜನೆಗಾಗಿ, ಸರ್ಕಾರವು ಪರಿಶಿಷ್ಟ ಪಂಗಡಗಳಿಗೆ ಸಂಬಂಧಿಸಿದ ಅಭಿವೃದ್ಧಿ ಕ್ರಿಯಾ ಯೋಜನೆಯಡಿ 2023-24 ರಿಂದ 2025-26 ರ ಆರ್ಥಿಕ ವರ್ಷಕ್ಕೆ 24,104 ಕೋಟಿ ರೂಪಾಯಿ ಮೀಸಲಿಟ್ಟಿದೆ.

ಇದನ್ನೂ ಓದಿ:  
Ayodhya Rama: ರಾವಣನೊಂದಿಗಿನ ಯುದ್ಧದ ನಂತರ ವಾನರಸೇನೆ ಎಲ್ಲಿಗೆ ಹೋಯಿತು, ಮತ್ತೇಕೆ ಯುದ್ಧ ಮಾಡಲಿಲ್ಲ?

ಇನ್ನು ಈ ಯೋಜನೆಯಲ್ಲಿ ಕೇಂದ್ರದ ಪಾಲು 15,336 ಕೋಟಿ ರೂಪಾಯಿಗಳಾದರೆ ರಾಜ್ಯಗಳ ಪಾಲು 8,768 ಕೋಟಿ ರೂಪಾಯಿ ಇರಲಿದೆ. ಸರಕಾರದ ಪ್ರಯತ್ನದಿಂದ ಸಂಬಂಧಿತ ವರ್ಗಗಳ ಜನರಿಗೆ ಕೇಂದ್ರ ಹಾಗೂ ರಾಜ್ಯ ಸರಕಾರಗಳ ಯೋಜನೆಗಳ ಲಾಭ ದೊರೆಯಲಿದೆ. ಆಯುಷ್ಮಾನ್ ಕಾರ್ಡ್, ಪಿಎಂ ಕಿಸಾನ್ ಸಮ್ಮಾನ್ ನಿಧಿ, ಕಿಸಾನ್ ಕ್ರೆಡಿಟ್ ಕಾರ್ಡ್ ಮುಂತಾದ ಯೋಜನೆಗಳನ್ನು ಪ್ರವೇಶಿಸಬಹುದಾಗಿದೆ.

Black Saltನಲ್ಲಿದೆ ಅದ್ಭುತ ಆರೋಗ್ಯ ಪ್ರಯೋಜನಗಳು!
ಇನ್ನಷ್ಟು ಸುದ್ದಿ…